Egilea: Andra Mari Dantza Taldeko artxiboa
Herria: Arraño, Artea eta Abaurregaina
Tokia: Euskal Herria
Azalpena: Andra Mari Dantza Taldeak 70. hamarkadan egindako ikerketen ondorioz Auritzeko ingurutxua berreskuratu ahal izan zen. Bideoa herri ezberdinetan egindako grabazioz osotu dugu hala nola Artean 1995. urtean, Abaurregainan 2000. urtean ta Arrañon 1981. urtean esate baterako. Denbora pasa ahala ingurutxuak tinko dirauela ziurtatu dezakegu. Hona hemen Auritzeko ingurutxua.
Egilea: Kepa Otaegi, Mikel Goitia
Herria: Galdakao
Tokia: Taldeko txokoa
Azalpena: Mikel Zamalloak 70. hamarkadan Andra Mari Dantza Taldeak Auritzeko ingurutxuari buruz egindako ikerketa lanaren nondik norakoak azaltzen digu. Azalpen honetan Auritzeko herritarren testigantzak jasotzen ditu esate baterako Amos familiarenak, Juan Larrainetarena, txorrotxa etxekoenak
Egilea: Kepa Artetxe, Mikel Goitia
Herria: Zeanuri
Tokia: Santa Ageda Ermitea
Azalpena: Zeanurin, Santa Ageda bespera aste barruan danean, asteko domekan kantetan dabiez koplak Ageda ermitean. 1998ko otsailak 8an, Kepa Artetxe, eta Mikel Goitia, han izan ziran grabaketa hau egiteko. Handik hilabete batera, Juantxu Larrazabal, grabaketa honetan ikusi eta entzuten dan solistarekin egotaldia egin eben.
Egilea: Andra Mari Dantza Taldea
Herria: Barkoxe, Arrokiaga
Tokia:
Azalpena: 1997an, gure Zuberoako Dantza Maisua izan dan Jean Pierre Rekaltek deitu euskun esanez urte haretako Larrañeko maskarada ondo baino hobeto prestatuta egoala, besteak beste, Entseiniaria, Johañe Etxebest , urteetan ikusitako dantzaririk onena eta trebatuena zalako. Barkoxera Mikel Zamalloa, Jon Erramun Aizpuru eta Mikel Goitia hurreratu ziran eta biziki gozatu eben egun haretaz. Sony kamara zaharra aldean ebelarik, beronen azken grabaketa Zuberoan bertan izan zan. Handik hilabete pare batera, barriz be grabatu gendun taldea Arrigorriaga herrian. Ordurako, lehenengotariko kamara digital barria egoan dantza taldean. Ikusteko dekoguz: goizeko Barrikadak, Barrikada Haustia, Arribada, Entseiniarien Puntüa, Bralia, Braletik-jaustia eta Karakoiltzia, Lagabota, Antsina Pika, Godalet Dantza. Urteak aurrera, harreman handia eta estuagoa dogu Larrañeko dantzariekaz eta jarraian danok gozatzeko moduko irudi eder honeek aurkezten deutsueguz. Hona hemen, 1997ko Maskaradan parte hartu eben dantzarien izenak: Txerreroak : Maia Barneix "Karrikabürü", Otxanda Iriart "Intxauspe" Gatuzain : Christian Urhe "Elgohen", Séverine Iriart "Berteretx" Kantiniersak : Christelle Elgoihen, Joana Larrandaburü "Oskigili" Zamaltzain : Beñat Larrandabürü "Oskigili" Entseiniari : Johañe Etxebest "Elixegarai" Jauna : Beñat Iriart "Berteretx" Anderea : Marie-Christine Sagaspe Irigarai "Zarzaia" Laborari : Alexandre Lecarotz "Hasmeheka" Laborarisa : Josi Etxemaite "Barnetxea" Marexalak : Aines Accocceberri "Etxandia", Céline Uthurralt "Kihilliri" Kuküllero : Ihitz Iriart "Intxauspe", Maritxu Etxeto "Etxeber", Oihana Larrandabürü "Latxagapea", Nadine Elgoihen "Etxeberriborda", Antton "Ponpon" Etxebest "Elixegarai", Jean-Pierra Accocceberri "Jagohen" Kerestuak : Nicolas Bengoxea "Elixabe" (mutila), Sébastien Uthuriague "Mendiondo" Xorrotxak : Dominika Jonnet "Etxebarne", Dominika Urruti "Bentaber" (Monzon pastoraleko sujeta) Buhameak : Alain Iriart "Sala" (Buhame jauna), Jean-Michel Larrandaburu "Etxalüz", Roger Urruti "Bentaber", Johañe Uthurralt "Kihilliri" Kautereak : Armand Elgoihen "Etxeberriborda" (Kabana), Eric Iriart "Intxauspe"(Pitxu), Frédéric Elgoihen "Etxeberriborda", Henri Urhe "Elgohen" Bedezia : Johañe Uthurralt "Kihilliri"