Archivos de Categoría: MAISUAK

Egilea: Andra Mari Dantza Taldea

Herria: Galdakao

Tokia: Elixaldeko Sagardotegia

Azalpena: 2011ko urriaren 1ean, Galdakaoko Sagardotegian Intxaurraga familia batu zen eta aukera izan genuen eurekin bazkalostea egiteko;abestu, hitz egin... Zeberiotar familia hau aspaldi ezagutzen dugu eta horiekin guztiekin hamaika bider egon gara erromeriei buruz hitz egiten. Honetaz baliaturik kafea hartu ondoren dantzaldi txiki bat egiteko aukera izan genuen. Hemen 86 urteko Pablo, 82 urteko Modesto, 79 urteko Migel eta azken honen andrea 72 urteko Emilen Regil agertzen dira. Ederra benetan, anaiak, artistak, jotalariak, oso osokoak. Ikusi nola dantzatzen duten, besoak gorantz begira zerua ikutu nahian!!!!!!!!!! Zeberiotarrak izanda, galdetu beharra zegoen ea non ikasi zuten dantza egiten. erantzuna bakarra izan zen: " La Casillan ez, ezkara inoiz ere han egon. Guk herriko auzoetatik ibiltzen ginen erromeriz erromeri. Horrela ikasi genuen dantza egiten. " Guk bai daukagula asko ikasteko!!!!! zenbat ordu bota behar ditugun!!!!! Oraindik ere, zenbat ikasi behar dugun jotalari hauengandik!!!!!!!!!

Egilea: Andra Mari Dantza Taldea

Herria: Galdakao

Tokia: Gandasegi eskolak

Azalpena: 1986ko irailaren 14an Galdakao herriko jaietako egun nagusian, Santa Krutzean, Berrizeko, eta Garaiko "dantzari zaharrak" ekarri genduzan, Erregelak dantzatzen. Bideo honetan, dantzari honexek ikusi geinkez:Leandro Gorrotxategi "Zapaterue" (Berriz), Berrojalbiz (Berriz), Victor "Deskarga" (Berriz), Sabino Ibabe "Metxas" (Garai), eta Oregi anaiak (Garai). Txistulari German Aldekoa Berriztarra (Alejandro Aldekoan semea). Andra Mari Dantza Taldeak Dantzari Dantza eta Bizkaiko Soka Dantza dantzatzeko orduan, beti hartu izan dauz iturri lez Berrizeko dantzariak. Zelan ez, beti euki dogu kontuan lagun eta maisu izan gendun Alejandro Aldekoaren eskutik ikasitakoa dantzok egiteko orduan. Zer ikusi ha erakutsi! Geure Maisuek emondakoa guk ikasi bezala herriari transmititzen saiatu gara, beste Dantza Talde askok lez.

Egilea: Andra Mari Dantza Taldea

Herria: Uztarroz

Tokia:

Azalpena: Uztarrotzeko ttun-ttunari buruzko testigantza hauek 1986. urteko neguan zehar bildu zituzten Andra Mari Dantza Taldekoek. Bilketa lan honetan Jabi Arrunbarrenak, Jabi Bengoak, Aitor Zamalloak eta Josean Legarretak parte hartu zuten, beste batzuen artean. Bideo honetan Eduarda Lorea ageri zaigu. 95 urte ditu eta Uztarrozeko ttun-ttunari eta garai bateko bizimoduari buruz hitz egiten du. Erronkariko jantziak erakusten ditu, eta bertako historioak kontatu ere.

Egilea: Andra Mari Taldea

Herria: Uztarroz

Tokia:

Azalpena: Andra Mari dantza taldekoak 80. hamarkadan Erronkarirantza joaten hasi ziren, Juan Antonio Urbeltzen bitartez beste hainbestetan bezala, Ttun-ttunaren inguruko informazioa biltzeko asmoz. Uztarrotzeko ttun-ttunari buruzko testigantza hauek 1986. urteko neguan zehar bildu zituzten Andra Mari Dantza Taldekoek. Bilketa lan honetan Jabi Arrunbarrenak, Jabi Bengoak, Aitor Zamalloak eta Josean Legarretak parte hartu zuten, beste batzuen artean. Bideo honetan Fidela Bernat ageri zaigu. Fidela Bernat Erronkariko azken euskalduna, erronkarieraz mintzatzen zen azken euskalduna izan zela esan ohi da. 1898. urtean jaio zen, Uztarrozen, eta beraz, 88 urte zituen Andra Mari dantzari taldekoek elkarrizketatu zutenean. Euskaraz ere esaldi batzuk egiten ditu elkarrizketan, erronkarieraz zenbait gauza nola esaten ziren azalduz